Қар құрсауында қалған жолаушыларға көмек көрсетілді

Күн райының күрт бұзылуы салдарынан елдің бірнеше өңірінде жол қозғалысы шектелді.

Қазір жолда қалған жолаушыларға көмек көрсетіліп жатыр. Төтенше жағдайлар министрлігінің мәліметіне сүйенсек, Ақтөбе облысының Әйтеке би ауданындағы бекетте тоқтатылған екі автобустың 78 жолаушысы жылыту пунктеріне жеткізілді. Сондай-ақ Қарағанды облысының Топар кентінің тұсында тоқтап қалған бір автобустың 56 жолаушысын да құтқару қызметінің мамандары қауіпсіз жерге орналастырды. Олардың айтуынша, жолаушылар дін аман, медициналық көмек қажет болған жоқ.