АҚШ Мексика шекарасындағы қоршауды ұзартады

АҚШ билігі Мексикамен арадағы қоршауды тағы 11 шақырымға ұзартады . Қазір екі ел арасындағы шекараның ұзындығы 3200 шақырымдай.

Дональд Трамп бұдан бұрынғы Президенттік лауазымында мыңнан астам шақырымға қоршау орнатқан еді. Бірақ кейін Джо Байден тұсында жобаға қаржы бөлу тоқтады. Трамп осы жолы көші-қон ережелерін қатаңдатып, құрылыс жұмыстарын қайта жандандырды. Қоршау 2029 жылға дейін аяқталуға тиіс. Тіпті жұмыстарға жасанды интеллект секілді заманауи технологияларды қолдану көзделген. Мысалы, шекараға жақындаған адамдарды анықтай алатын камералар орнату жоспары бар.