ӘЧ-2026: Қазақстан мен Лихтенштейн кездеседі

Бүгін футболдан әлем чемпионатына іріктеу кезеңінің матчтары өтеді.

Қазақстан құрамасы сырт алаңда Лихтеншнейнмен ойнайды. Матч алдында ұлттық құраманың бас бапкері мен футболшылар журналистер сауалына жауап берді. Олар Уэльстен ұтылып қалған соң, қалай да жанкүйерлерді қуантуға күш саламыз деп отыр. Лихтенштейн мен Қазақстан арасындағы кездесу түнгі 12.45-те басталады. J тобында Қазақстан, Лихтенштейн, Уэльс, Бельгия және Солтүстік Македония бар. Алғашқы турда біздің футболшылар Уэльстен 1:3 есебімен ұтылып қалды.

Әли Әлиев, футболдан Қазақстан ұлттық құрамасының бас бапкері:

- Маған команданың талпынысы ұнайды. Уэлспен болған матчта бізге сәттілік жетіспеді. Біз бұл жолы қалай да ұпай алуға тырысамыз. Команда физикалық және психологиялық тұрғыда алдағы матчқа дайын.

Әділбек Жұмаханов, футболдан Қазақстан ұлттық құрамасының ойыншысы:

- Бапкерлердің қойған тактикасын жүзеге асырып, алдыңғы ойындағы қателіктерді жібермей, керісінше, ертең жеңісті сериямызды бастаймыз деп сенемін.