Жапонияның ғарыш модулі Айға қонарда сәтсіздікке ұшырады

Жапонияның Ispace компаниясының модулі Айға қонарда сәтсіздікке ұшырады. Бұл туралы Токиодағы компания өкілдері мәлімдеді.

Құрал төмен қарай сағатына 300 шақырым жылдамдықпен құлдилап, кейін онымен байланыс мүлде үзілді. Ол 15 қаңтарда америкалық SpaceX компаниясының Falcon 9 зымыранының көмегімен көкке көтеріліп, Айдың орбитасына 7 мамырда шыққан болатын. Бұл жапон компаниясының екінші сәтсіздігі. 2023 жылдың сәуіріндегі Айға қону операциясы да іске аспаған еді.