Сарапшы: Қытайда Орталық Азия елдерінің мәдениетіне қызығушылық жоғары

Орталық Азия — Қытай екінші саммиті өте маңызды. Кейінгі жылдары экономикалық ынтымақтастық күшейіп, Орталық Азия мен оның көшпелі мәдениетіне Қытай халқы қызығушылық таныта бастады. Бұл туралы CGTN телеарнасының мәдени бағдарламалар директоры айтты.

Шу Жан Чун, Қытайдың CGTN телеарнасының мәдени бағдарламалар директоры:

Меніңше, бұл саммит өте маңызды, себебі Қытай әрдайым көршілес елдермен жақсы қарым-қатынас орнатуға баса назар аударып келеді. Кейінгі жылдары экономикалық ынтымақтастық пен адам ресурстарының алмасуы күшейіп жатыр. Мәдени бағдарлама директоры ретінде мен Орталық Азия елдерінің мәдениетіне ерекше қызығамын. Бұл аймақ Қытайда танымал болып барады. Қытайда адамдар көбіне егіншілік мәдениетіне жақын. Сондықтан, Орталық Азия мен көшпенділердің мәдениеті Шығыс Азия халқы үшін қызық.

Темірлан Нұрсолтанов