Президент полиция күніне арналған концертке қатысты

Мемлекет басшысы Қасым-Жомарт Тоқаев Полиция күніне арналған мерекелік концертті тамашалады.

«Заң және тәртіп» апталығы аясында өткен іс-шарада отандық өнер майталмандарының шығармалары ұсынылды. Кәсіби міндетін орындау кезінде қаза болған құқық қорғаушыларды еске алған реквием көпшіліктің көңілін қозғаса, «Жас сақшы» полиция сыныбы оқушыларының әні ерекше әсер қалдырды. Мерекелік іс-шараға құқық қорғау құрылымдарының басшылары, Ішкі істер министрлігінің жеке құрамы, ардагерлер, сондай-ақ азаматтарды құтқару үшін өмірін құрбан еткен полиция қызметкерлерінің жақындары қатысты.