Еліміздің біраз бөлігінде ауа райына байланысты ескерту жасалды

Елдің 17 облысында синоптиктер ауа райына байланысты ескерту жариялады. Оңтүстікте аптап ыстық, ал орталық пен солтүстікте найзағай мен нөсер жаңбыр күтіледі, — деп хабарлайды Massaget.kz тілшісі "Қазгидромет" дерегіне сілтеме жасап.

Астана — күндіз найзағай, бұршақ, дауыл күтіледі. Жел солтүстік-шығыстан, күндіз оңтүстік-батысқа ауысады, кей кездері екпіні 15-20 метр/секундқа жетеді.

Шымкент — төтенше өрт қаупі сақталады.

Алматы облысы — күндіз облыстың таулы аймақтарында найзағай күтіледі. Жел оңтүстік-шығыстан, күндіз облыстың солтүстігі мен оңтүстігінде оңтүстік-батысқа ауысып, екпіні 15-20 метр/секундқа жетеді. Қонаевта жел оңтүстік-шығыстан, күндіз оңтүстік-батысқа ауысып, екпіні 15-20 метр/секундқа жетеді.

Түркістан облысы — күндіз облыстың солтүстігі мен батысында солтүстік-батыс желі 15-20 метр/секундқа дейін күшейеді. Өңірде төтенше өрт қаупі сақталады. Түркістанда күндіз солтүстік-батыс желі екпіні 15-20 метр/секундқа жетеді. Төтенше өрт қаупі сақталады.

Қызылорда облысы — түнде батыста найзағай, күндіз облыстың орталығында құмды дауыл күтіледі. Облыстың орталығында жел батыстан соғып, екпіні 15-20 метр/секундқа жетеді. Төтенше өрт қаупі сақталады. Қызылордада күндіз құмды дауыл күтіледі. Жел батыстан соғып, күндіз екпіні 17 метр/секундқа жетеді. Төтенше өрт қаупі сақталады.

Ақтөбе облысы — түнде облыстың шығысында қатты жаңбыр мен бұршақ күтіледі. Түнде облыстың солтүстігі мен шығысында, күндіз облыстың солтүстік-шығығында найзағай күтіледі. Жел облыстың шығысында солтүстік-батыстан соғып, екпіні 15-20 метр/секундқа жетеді. Облыстың оңтүстігі мен шығысында төтенше өрт қаупі сақталады.

Қарағанды облысы — облыстың батысы, солтүстігі мен шығысында найзағай, күндіз бұршақ, дауыл және құмды дауыл күтіледі. Жел түнде облыстың оңтүстік пен шығысында оңтүстік, оңтүстік-батыстан соғып, екпіні 15-20 метр/секунд, күндіз 15-20 метр/секундқа жетеді, солтүстік пен шығыста кей кездері 23-28 метр/секундқа дейін күшейеді. Күндіз облыстың оңтүстігінде қатты ыстық — 36 градус. Облыста төтенше өрт қаупі сақталады. Қарағанда найзағай күтіледі. Күндіз құмды дауыл болады. Жел күндіз оңтүстік, оңтүстік-батыстан соғып, екпіні кей кездері 15-20 метр/секундқа жетеді. Төтенше өрт қаупі сақталады.

Ұлытау облысы — күндіз облыстың солтүстігінде кей кездері қатты жаңбыр мен бұршақ күтіледі. Облыстың солтүстік, шығыс және орталық аймақтарында найзағай, күндіз дауыл және құмды дауыл күтіледі. Жел оңтүстік-батыстан, түнде облыстың батысы мен шығысында батыстан соғып, екпіні 15-20 метр/секундқа жетеді, күндіз 15-20 метр/секундқа, кей кездері облыстың солтүстік, шығыс және орталығында 23-28 метр/секундқа жетеді. Облыстың оңтүстігі мен шығысында төтенше өрт қаупі сақталады. Жезқазғанда найзағай күтіледі. Күндіз құмды дауыл болады. Жел күндіз оңтүстік-батыстан, батыстан соғып, екпіні 15-20 метр/секунд, кей кездері 23 метр/секундқа жетеді.

Ақмола облысы — күндіз облыстың батысы, солтүстігі мен оңтүстігінде қатты жаңбыр, бұршақ, дауыл күтіледі. Түнде облыстың батысы, солтүстігі мен оңтүстігінде, күндіз облыстың басым бөлігінде найзағай болады. Жел облыстың батысы, оңтүстігі мен шығысында солтүстік-шығыстан, күндіз оңтүстік-батысқа ауысып, екпіні 15-20 метр/секунд, кей кездері 23-28 метр/секундқа жетеді. Облыстың орталығында жоғары өрт қаупі сақталады. Көкшетауда күндіз қатты жаңбыр мен бұршақ, найзағай күтіледі.

Шығыс Қазақстан облысы — күндіз облыстың батысы, солтүстігі мен шығысында найзағай, бұршақ күтіледі. Жел күндіз облыстың батысы, солтүстігі мен шығысында оңтүстік-шығыстан, оңтүстік-батысқа ауысып, екпіні 15-20 метр/секунд, кей кездері 23 метр/секундқа жетеді. Күндіз қатты ыстық 35-38 градус күтіледі. Облыста жоғары өрт қаупі сақталады, облыстың оңтүстігінде төтенше өрт қаупі бар. Өскеменде күндіз найзағай болады. Жел оңтүстік-шығыстан, оңтүстік-батысқа ауысып, күндіз екпіні 15-18 метр/секунд. Күндіз қатты ыстық 36-38 градус. Жоғары өрт қаупі сақталады.

Абай облысы — түнде облыстың солтүстігінде найзағай күтіледі, күндіз облыстың батысы, солтүстігі мен орталығында найзағай мен бұршақ болады. Жел түнде облыстың солтүстігінде оңтүстік-шығыстан, оңтүстік-батысқа ауысып, екпіні 15-20 метр/секунд, күндіз облыстың батысы, солтүстігі мен орталығында 15-20 метр/секунд, екпіні 23 метр/секундқа жетеді. Күндіз қатты ыстық 35-38 градус күтіледі. Облыста жоғары өрт қаупі бар, солтүстік-батысында, оңтүстігі мен орталығында төтенше өрт қаупі сақталады. Семейде күндіз найзағай болады. Жел оңтүстік-шығыстан, оңтүстік-батысқа ауысып, екпіні 15-18 метр/секунд. Күндіз қатты ыстық 36-38 градус. Жоғары өрт қаупі сақталады.

Павлодар облысы — түнде облыстың батысы мен оңтүстігінде найзағай күтіледі. Күндіз найзағай, бұршақ, дауыл болады. Жел күндіз оңтүстік-шығыстан соғып, екпіні 15-20 метр/секунд, облыстың батысы мен оңтүстігінде кей кездері 23-28 метр/секундқа жетеді. Күндіз облыста қатты ыстық 35 градус болады. Облыстың батысы, оңтүстігі мен шығысында жоғары өрт қаупі сақталады. Павлодарда күндіз найзағай, бұршақ, дауыл болады. Жел күндіз оңтүстік-шығыстан соғып, екпіні 15-20 метр/секунд. Жоғары өрт қаупі сақталады.

Солтүстік Қазақстан облысы — түнде облыстың шығысында найзағай күтіледі, күндіз найзағай болады, облыстың оңтүстігі, солтүстігі мен шығысында бұршақ болады. Түнде және таңертең облыстың оңтүстігі, солтүстігі мен шығысында тұман күтіледі. Петропавлда күндіз найзағай, бұршақ болады. Түнде және таңертең тұман болады.

Жамбыл облысы — күндіз облыстың таулы аймақтарында найзағай күтіледі. Жел оңтүстік-батыстан, күндіз оңтүстік-батыстан солтүстік-батысқа ауысып, облыстың оңтүстігі, солтүстік-шығысы мен таулы аймақтарында 15-20 метр/секундқа жетеді. Таразда төтенше өрт қаупі сақталады.

Атырау облысы — күндіз облыстың батысында найзағай күтіледі. Жел солтүстік пен солтүстік-батыстан облыстың солтүстігінде екпіні 15-20 метр/секундқа жетеді. Облыстың шығысында төтенше өрт қаупі сақталады, орталығында төтенше өрт қаупі күтіледі, облыстың батысы мен оңтүстігінде жоғары өрт қаупі сақталады. Атырауда жоғары өрт қаупі болады.

Қостанай облысы — таңертең және күндіз облыстың батысы, оңтүстігі мен шығысында кей кездері қатты жаңбыр, бұршақ, дауыл және найзағай күтіледі. Жел облыстың батысы, оңтүстігі мен шығысында солтүстік-шығыстан соғып, екпіні 15-20 метр/секундқа жетеді. Облыстың оңтүстігінде төтенше өрт қаупі, батысы мен шығысында жоғары өрт қаупі сақталады. Қостанайда таңертең және күндіз найзағай болады.

Батыс Қазақстан облысы — облыстың батысында найзағай мен бұршақ күтіледі. Жел күндіз облыстың шығысында солтүстік-батыстан соғып, екпіні 15-20 метр/секундқа жетеді.

Маңғыстау облысы — облыстың батысы, солтүстігі мен орталығында найзағай күтіледі. Жел күндіз облыстың оңтүстігі мен орталығында солтүстік-батыстан, батыстан соғып, екпіні 15-20 метр/секундқа жетеді. Облыстың оңтүстік-шығысында жоғары өрт қаупі, солтүстік, батыс пен оңтүстігінде төтенше өрт қаупі сақталады. Ақтауда күндіз найзағай күтіледі. Төтенше өрт қаупі сақталады.

Жетісу облысы — күндіз облыстың батысы, орталығы мен таулы аймақтарында жел батыстан соғып, екпіні 15-20 метр/секундқа жетеді. Талдықорғанда күндіз жел батыстан соғып, екпіні 15-20 метр/секундқа жетеді.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!