Йеменде 2 млн балаға аштық қаупі төніп тұр

Йеменде 2 миллионнан астам балаға, аштық қаупі төнді, деп хабарлайды 24kz.

БҰҰ өкілдерінің мәлімдеуінше, азық-түлік тапшылығынан жасөспірімдер арасында өлім-жітім жиілеген. Гуманитарлық көмектің азаюынан мигранттар лагерьлерінде ахуал нашарлаған. Таза судың жетіспей, санитарлық жағдай төмендеп, түрлі аурулардың өршуі көбейді. Қарулы қақтығыс салдарынан миллиондаған тұрғын осындай уақытша орындарды паналауға мәжбүр.

Гэн Шуан, Қытайдың БҰҰ жанындағы тұрақты өкілінің орынбасары:

- Йеменде азық-түлік дағдарысы шиеленісіп барады. Халықтың шамамен жартысы аштықтан зардап шегуде. 5 миллионға жуық адам босқынға айналған. Әсіресе, балалар мен қарттарға ауыр соғуда. Дағдарысты еңсеру үшін Йеменге гуманитарлық көмекті күшейту қажет.