«Менің атым Қожа» шығармасының желісімен түсірілген жаңа фильм прокатқа шықты

Қазақ киносының классикасы саналатын “Менің атым Қожа” фильміне негізделген жаңа туынды көрерменге жол тартты.

"Қожа. Жаңа саяхат” деп аталатын жаңа форматтағы фильмнің тұсаукесері бүгін өтті. 13 наурыздан бастап еліміздің барлық кинотеатрында көрсетіледі. Туынды авторлары бұл фильм толықтай Бердібек Соқпақбаевтың "Менің атым Қожа" шығармасы желісімен түсіріліп, Қожаның жасөспірім шағын баяндайды дейді. Фильмнің басты идеясы, дәстүр мен жаңашылдықты үндестіріп, ұрпақтар арасындағы байланысты көрсету.

Қуат Ибрагимов, режиссёр:

- Біздің фильміміз "Қожа. Жаңа саяхат" бұл көбінесе Бердібек Соқпақбаев шығармасына көбірек негізделген деп айта аламыз. сондай ерекшеліктердің бірі жас Қожа космонавт болуды армандаса, біздің Қожа кітап желісі бойынша жазушы болуды армандайды. Сол дегеніне жетеді.