Әлемде гуманитарлық дағдарыс күшейді

Әлемде гуманитарлық дағдарыс ушығып барады. Әсіресе азық-түлік үлестіру жағы қиындаған .

Біріккен Ұлттар ұйымы осылай деп дабыл қақты. Ауғанстан, Конго Демократиялық Республикасы, Гаити, Сомали, Оңтүстік Судан және Судан елдерінде шамамен 13,7 млн адам жаһандық гуманитарлық көмектің азаюына байланысты аштық қаупіне тап болуы мүмкін. Ұйым дерегіне сүйенсек, Ауғанстанда көмекке мұқтаж жандардың тек 10 пайызы қажетті көмек алады. Ал, Конгода 2 млн 300 мың адамның небәрі 600 мыңына тиісті көмек көрсетіледі. Ал Сомалиде азық-түлік 350 мың адамға ғана жетеді. Былтыр бұл көмек 2 млн-нан астам тұрғынды қамтыған еді. Ал биыл қаржыландыру көлемі 40 пайызға қысқаруы мүмкін. Ұйым көмек көрсетуші мемлекеттерді азық-түлік дағдарысын болдырмау үшін шұғыл шаралар қабылдауға шақырды.