Елімізде мал басы ЖИ арқылы таңбаланады

Елде мал басы да жасанды интеллект арқылы таңбаланады. Бұл шара елдің азық-түлік қауіпсіздігін нығайтуға арналған. Министрліктің мәліметі бойынша, 2028 жылға дейін жаңа жүйе мал санының 90 пайызын қамтиды. Ал фермерлерге мемлекеттік қолдау шаралары туралы жан-жақты кеңес беру үшін цифрлық көмекші енгізіліп жатыр, Сонымен қатар "Электронды агроөнеркәсіп кешені" атты экожүйе құрылады.

Жаслан Мәдиев, ҚР Жасанды интеллект және цифрлық даму министрі:

2028 жылға қарай ауылшаруашылық жерлерінің кемінде 50 пайызы цифрлық бақылауға алынады. Бұл әдіс егін өнімділігін 20–25 пайызға арттырып, құрғақшылық пен зиянкестерден келетін шығынды азайтады. Яғни, цифрлық жүйе саладағы жұмысты жеңілдетіп қана қоймай, тұрақты дамуына серпін береді.