12 адам қаза тапқан жантүршігерлік жол апаты: зардап шеккендер туралы жаңа дерек шықты

Кеше Ақтөбе облысында жантүршігерлік жол апатынан 12 адам қаза тапты. Оқиға салдарынан зардап шеккендердің бүгінгі жағдайы белгілі болды, — деп хабарлайды Massaget .kz тілшісі.

Ақтөбе облыстық Денсаулық сақтау басқармасы мәліметінше, зардап шеккен 6 науқас бар.

"Олар жол апатынан кейін Хромтау аудандық ауруханасына жатқызылды. Облыс орталығынан келген екі дәрігерлік бригада ем шараларын өткізді. Таңертеңгі консилиум нәтижесінде үш науқас Ақтөбеге санавияциамен жеткізілді. Біреуі — 2009 жылы туған бала. Қалған үш науқас Хромтауда емін жалғастырып жатыр", — деп жазылған хабарламада.

Еске салайық, 23 қазанда Самара-Шымкент тасжолында, Белқопа ауылының маңында DAF жүк көлігі мен ГАЗель соқтығысты. Алдын ала мәлімет бойынша жүк көлігі қарсы қозғалыс жолағына шығып кеткен.

Аптаның басты оқиғалары мен пайдалы видеоларды көру үшін YouTube арнамызға жазылыңыз