Кредитің шегеріліп, тегін оқисың. Әскерге таласып-тармасып баратын күн қашан туады?

Жыл сайын елде 18-бен 27 жас аралығындағы жастар әскер қатарына шақырылады. Биыл 20 мыңнан аса жас өрен отан алдындағы борышын өтейді деп жоспарланып отыр. Қорғаныс министрлігі осыдан бірнеше жыл бұрын әскер қатарына SMS хабарлама арқылы шақыртуды пилоттық жоба ретінде ұсынған еді. Бастама өз нәтижесін беріп, құжат заң жүзінде бекіді. Енді бұдан былай, әскерге жарамды азаматтарға шақырту ұялы телефондарына SMS хабарламамен келеді.