Балаларды мектепке дейінгі біліммен қамту үлесі артады

Елдегі кезекте тұрған 2 мен 6 жасқа дейінгі балаларды мектепке дейінгі біліммен қамту деңгейі 95 пайызға жетеді.

Бұл туралы Оқу-ағарту министрлігі хабарлады. Жыл басынан бері мың орындық 20 ұйым қолданысқа берілді. Биыл тағы 64 мың орындық мекемелерді ашу көзделіп отыр. Кешенді жоспарға сәйкес, 2027 жылға дейін мектепке дейінгі ұйымдарда жаңадан 300 мың орынды қолданысқа беру жоспарланған. Айта кету керек, балабақшаларды салу мен реконструкциялау, жаңғырту және мемлекеттік тапсырысты орындау ваучерлік қаржыландыру арқылы жүзеге асады.