Қазақстандық сейсмологтар Қытай аумағындағы жер сілкінісін тіркеді

Қытай мен Қазақстан шекарасында жер сілкінісі тіркелді, — деп хабарлайды Massaget.kz тілшісі.

Сейсмикалық станциялар желісі 19 наурызда Астана уақытымен сағат 16:40-та жер сілкінісін тіркеді.

"Ошағы Қытай аумағында, Алматы қаласынан оңтүстікке қарай 301 шақырым жерде орналасқан. Қазақстан Республикасында сезілмеді", — деп жазылған хабарламада.

Бұған дейін Алматыда ірі жер сілкінісі қашан болды?

Алматы тұрғындары 2024 жылы 23 қаңтарда жер сілкінісін сезді. Түн ішінде болған дүмпу халықтың үрейін ұшырып, біраз уақытқа дейін қорқыныш қалып қойды.

Көктем басталысымен, 2024 жылы 4 наурызда қалада тағы бір жер сілкінісі тіркелді. Бұл да қала тұрғындары мен қонақтарын үрейлендірді.

Еске салайық, бұған дейін белгілі профессор Әлқуат Нұрмағамбетовпен сұхбаттасып, Алматыдағы жер сілкіністерінің ғылыми негізі туралы сұраған едік.

Өзекті жаңалықтарды өз уақытында оқу үшін Facebook парақшамызға жазылыңыз!