Елордада «Құснихат: Орталық Азиядағы ислам каллиграфиясы» атты көрме ашылды

Ұлттық академиялық кітапхана қабырғасында өтіп жатқан іс-шараға қоғам қайраткерлері мен шетелдік меймандар қатысты, деп хабарлайды 24kz.

Көрермен назарына отыз шақты экспонат қойылды. Көбіне Құран аяттары мен хадистер жазылған. Тағы дұғалар мен мақал-мәтелдер және басқа игі мәтіндер парақ бетіне түсірілген. Қайталанбас жұмыстардың авторлары ішінде белгілі каллиграфия шебері, еліміздегі бірқатар ірі мешіттердің ішін ислами көркем жазуымен безендірген Асылбек Орынбасар да бар. Ол бас шаһарға өзінің 10-ға жуық үздік жұмысын әкелді.

Айта кеткен жөн, құснихат көрмесі үш күнге жалғасады.

Асылбек Орынбасар, каллиграфия шебері:

- Алғашқы болып тұр. Өйткені ақсақалдар, ғұламалар кеңесі ұйымдастырған, штаб-пәтері Абу-Дабиде. Солардың ішінде Орталық Азиядағы алғашқы тырнақалды іс-шарасы. Бес мемлекет түрікмен, тәжік, өзбек, қазақ, қырғыз деген сияқты. Соның біріншісі бүгін Астанада ашылып отыр. Бұл жерде ең басты нәрсе тек дінді ғана емес, діннің өнерін, сәулет, каллиграфия, басқа да тұстарын таныта білу.