Шымкентте жер дауы мен тұрғын үйге қатысты мәселе тыйылмай тұр

Былтыр 248 талап-арыз әкімшілік сотқа жолданып, оның 56%-іне шешім шығарылған, деп хабарлайды 24kz.

Биыл да баспана кезегінен себепсіз шығару, мемлекеттік орган тарапынан тиісті хабарламаның уақытылы жолданбауы жиілеген. Бұл туралы алқа отырысында айтылды. Атқарушы орган өкілдері мен салаға жауаптылар сот жүйесінде кездесетін мәселелерді талқылады. Алқалы жиын барысында заңнама талаптарының сақталуы мен дау туғызатын жағдайларды болдырмау жолдары ұсынылды.

Луара Қалдиева, қалалық соттың әкімшілік істер жөніндегі сот алқасының судьясы:

- Әкімшілік органның жұмыс сапасы ол өзіне қатысты сотқа талап қоюлармен, әкімшілік-әділет институты шеңберінде бағаланады. Сондықтан да сот тәжірибесін іс жүзінде қолдану қажет. Мұндай мәселелерді, мұндай даулармен азаматтар сотқа қайта жүгінбеуі тиіс. Осы мәселе дөңгелек үстелдің басты мақсаты болып отыр.