Астанадағы автобус апаты: оқиғаның егжей-тегжейі белгілі болды

Астананың Қоғамдық денсаулық сақтау басқармасы автобус апатынан зардап шеккендердің жағдайы туралы жаңа мәлімет жариялады, — деп хабарлайды Massaget.kz тілшісі.

Жедел жәрдем бригадалары стационарларға барлығы 15 адамды жеткізген. Оның үшеуі ауруханаға жатқызылып, қалғандары үйіне жіберілген.

"Ауруханаға жатқызылғандардың жағдайы тұрақты ауыр және аса ауыр деп бағаланып отыр. Бір науқасқа ампутация жасалды. Зардап шеккендерге толық көлемде медициналық көмек көрсетіліп жатыр", – деп жазылған басқарма хабарламасында.

Автопарк мәлімдемесі

Астананың №1 автобус паркі кеше кешке болған автобус апатына қатысты пікір білдірді.

"Алдын ала мәліметтер бойынша жүргізуші жол бойындағы ақпараттық бағананы байқамай соқтығысқан", — деп жазылған хабарламада.

Жол апатынан жүргізушінің өзі зардап шекпеген.

Оқиғаның мән-жайы

Айта кетейік, кеше Астанадағы Республика даңғылында жолаушылар автобусы жол белгісі орнатылған тіреуішке соғылған болатын.

Бұған дейін 10 адам жарақат алып, әртүрлі ауруханаға жеткізілгені айтылды. Олардың екеуі Ұлттық шұғыл медицина үйлестіру орталығына жеткізілген.

Посмотреть эту публикацию в Instagram

Публикация от Tengri Astana (@tengri.astana)

Желіде жол апатының видеосы жарияланды, кадрларда жолаушылар автобусы Республика даңғылымен баяу жылдамдықпен келе жатқаны көрінеді. Бір сәтте жүргізуші тізгінге ие бола алмай, бағанаға соғылады.

Аптаның басты оқиғалары мен пайдалы видеоларды көру үшін YouTube арнамызға жазылыңыз