Биыл шаруаларға 700 млрд теңге жеңілдетілген несие беріледі

Үкімет егіс және орақ жұмыстарын жүргізуге арналған жеңілдетілген несиелеу көлемін арттырып келеді. 2025 жылы бұл мақсатқа 700 млрд теңге бөлді.

Сонымен қатар 250 млрд теңге ауыл шаруашылығы техникасын жеңілдетілген лизинг арқылы рәсімдеуге бағытталды. Бұл шаруаларға жылдық 5% мөлшерлемемен қолжетімді несие алуға мүмкіндік береді. Операторлардың қатарында «Аграрлық несие корпорациясы», екінші деңгейлі банктер, микроқаржылық ұйымдар, өңірлік инвестициялық орталықтар, несиелік серіктестіктер мен әлеуметтік-кәсіпкерлік корпорациялар бар. 2024 жылдың желтоқсанынан бері шаруалардан 7407 өтініш келіп түсті. Олардың жалпы сомасы 493,5 млрд теңгені құрайды. Қазіргі уақытта 6988 өтініш мақұлданып, қаржыландырылды.