Қарағандыда көмірден газ өндіру жобасы талқыланды

Қарағандыда көмірден газ өндіру жайы талқыланды, деп хабарлайды 24kz.

Егер көмір химия зауыты сәтті іске асса 1 жарым мың жұмыс орны ашылады. Бұл туралы Премьер-министр Олжас Бектеновтың Shandong Energy Group Co. басшысы Ли Вэймен кездесуінде мәлім болды. Кәсіпорынның жобалық қуаты жылына 2 млрд текше метр газ. Осылайша, экономиканы әртараптандырып, жаңа технологияларды дамытып және елдің экспорттық әлеуетін күшейту жолында ынтымақ орнады. Ал, аталған компанияға келсек Қытайда көміртегі, метанол және көмір негізінде өндірілетін басқа да химиялық өнімдерді өндіруде көшбасшы саналады. 17 елде 608 еншілес зауыты бар.