Қазақстанда 370 ауыл ішімдіктен түбегейлі бас тартты

Бүгінге дейін 370 елді мекен тұрғындары ішімдіктен түбегейлі бас тартты. Соның нәтижесінде ауыл-аймақта қылмыс саны азайды. Ащы судың зардабы ауыр. Оның салдарынан қылмыс көбейеді, денсаулық сыр береді, ел арасынан ынтымақ кетеді . Мұны түсінген ауыл тұрғындары ішімдіктен ерікті түрде бас тарта бастады. Бұған жергілікті полиция қызметкерлері мен ақсақалдар ықпал еткен. Қазір 370 ауыл-аймақта арақ-шарап сатылмайды.