Атырауда Орталық Азияда теңдесі жоқ құбыр зауыты салынады

Атырау облысында тот баспайтын болаттан және никель қорытпаларынан жасалған жіксіз құбырлар зауыты салынады, деп хабарлайды 24kz.

Бұл Орталық Азиядағы бірегей өндіріс алаңы болмақ. Сәтін салса, жылына 12 мың тонна дайын өнім шығарылады. Премьер-министр Олжас Бектенов инвестор Tubacex вице-президенті Антон Азлормен кездесіп, жобаның жай-жапсарын пысықтады. Тараптар заманауи мұнай-газ машинасын жасау зауытын ашудың ел үшін маңызын талқылады. Бүгінде Үкімет қосылған құны жоғары өнім шығару бойынша өндірістер ашуға баса назар аударып отыр. Осы орайда өнеркәсіп секторына инвесторлар тартуға мүдделі.