Павлодарда «келешек мектебі» салынып жатыр

Павлодарда «Келешек мектептері» ұлттық жобасы аясында 1200 балаға арналған оқу ордасының құрылысы жүруде .

Мектепте жайлы инклюзиялы орта қарастырылған: пандус, лифт, тактильді бағыттағыш пен интерактивті құрылғылармен жабдықталған. Бұдан бөлек, ағаш пен металл өңдеу, тігін мен аспаздық шеберханалары және графика мен жобалау кабинеттері бар. Заманауи оқу ордасының құрылысы жоспарға сай жүргізілуде.

Шынар Күлбекова, №48 мектеп директорының орынбасары:

- Бұл мектептің артықшылығы жобалық типтік мектептен артықшылығын айтсақ, мұнда балаларға қолайлы эргономикалық білім беру кеңістігінің құрылуында. Балаға сапалы білім алумен қатар оның жан-жақты дамуына және жалпы шығармашыл дамуына өте көп көңіл бөлінген.