Сербиялықтар Абайдың әнін шырқап, қара сөздерін оқыды

Абайдың 180 жылдық мерейтойын Сербиялықтар да атап өтіп жатыр. Белград тұрғындары Сава өзенінің жағасында Абайдың «Желсіз түнде жарық ай» әнін қазақ тілінде шырқады.

Ел тұрғындары, қоғам қайраткерлері, жазушылар, Сербия Парламентінің депутаттары барша қазақстандықтарды мерейтоймен құттықтап жатыр. Әлемдік деңгейдегі кемеңгерге құрмет ретінде сербиялықтар Абайдың серб тіліне аударылған шығармаларын оқып, әлеуметтік желіде бөлісуде.

Александр Котрич, Сербия Парламентінің депутаты:

Ағылшындар үшін Шекспир, немістерге Гете, сербтер үшін Вук Караджич сынды Абай да қазақ халқының ұлы перзенті. Ол Шығыс пен Батыс мәдениетін тоғыстырды. Ұлы ойшылдың қазақ мәдениетіндегі рөлі орасан. Сондықтан баршаңызды Абайдың 180 жылдық мерейтойымен құттықтаймын.

Нұрсұлу Қасым