Қ.Тоқаев: Балаларға заңды қарапайым тілмен түсіндіру керек

Президент балаларға заңды қарапайым тілмен түсіндіруге шақырды.

Сонымен қатар мектепте, жоғары оқу орындарында құқықтық тәрбие жұмысын күшейту керек, деді. Сондықтан да заң үстемдігін қамтамасыз ету – біздің стратегиямыздың ең маңызды қағидасы екенін жеткізді.

ЦТТ: Заңды сыйлайтын ел қашанда берекелі болады. Сондықтан мен әр сөзімде заң мен тәртіптің маңызын ерекше атап өтіп жүрмін. Басқаша айтқанда, бұл бізге дәстүрлі болмысымызды өзгерту қажет деген сөз. Заңды құрметтеу, тәртіпке бағыну ұлтымыздың қанына сіңіп, қасиетіне айналуы қажет. Бауыржан Момышұлының «Тәртіпсіз ел болмайды, тәртіпке бас иген құл болмайды» деген сөзі қазіргі таңда аса өзекті. Сондықтан заңды қасақана бұзатын азаматтарға, қоғамдық тәртіпке және тұрақтылыққа кері әсер ететін әрекеттерге міндетті түрде құқықтық баға беріледі. Мектеп қабырғасында, жоғары оқу орындарында құқықтық тәрбие жұмысын күшейту қажет. Балаларға заңдарды қарапайым тілмен түсіндірген абзал.

Қасым-Жомарт Тоқаев, Қазақстан Республикасының Президенті