Студенттеріміз қай елде оқуға құмартады?

Елден шетелге кеткен қазақстандық студенттер көбіне қай мемлекеттерде оқуға құмартады?

«Болашақ» бағдарламасы басталғалы оның шапағатын 13 мыңнан астам білімгеріміз көріпті. Биылғы оқу жылы аясында мыңнан астам стипендиат білім алып жатыр. Осы күнге дейін білім қуған жастарымыздың басым бөлігі сапалы білімді Ұлыбританиядан іздеген. Тұманды Альбиондағы оқу орындарының ең танымалы – Манчестер, Уорик және Лондон университеттері. Одан кейін АҚШ-тағы Бостон және көрші Ресейдегі Мәскеу мемлекеттік университеттері екен. Отандастарымыздың жартысынан көбі гуманитарлық бағытта білім алыпты. Сұраныстағы мамандықтар арасында екінші орында инжинерлік-техникалық сала тұр. Сосын медицина мен мәдениет бағыты екен.

Айта кетейік, бұл тек «Болашақ» бағдарламасы бойынша білім іздеген қазақстандықтардың саны. Бұдан басқа өз бетінше шетелге кеткен студенттердің саны туралы статистика жоқ.