Алматыда қызды аңдыған ер адам іздестіріліп жатыр

Алматы тұрғыны өзін белгісіз ер адам аңдып, кейін шабуыл жасауға тырысқанын айтты, — деп хабарлайды Massaget.kz тілшісі .

Әлеуметтік желілерде жарияланған видеода қыздың Түрксіб ауданындағы көшеде кетіп бара жатқаны көрінеді. Оның артынан ер адам біршама уақыт еріп жүріп, жан-жағына жалтақтағаны байқалады. Қыз қақпаға жақындаған сәтте ер адам артынан жүгіріп келіп, қызды қысып ұстап, артынша қашып кеткен.

"Ол менің артымнан еріп, интим жеріме қолын тигізіп, есікке тақады. Егер оны танып жатсаңыздар, хабарлауды сұраймын. Бұл арсыз мені аңдыды", – деді жәбірленуші.

Полиция пікірі

Алматы Полиция департаменті бұл дерек бойынша тексеріс жүргізіліп жатқанын хабарлады.

"Күдікті анықталып, заңнамаға сәйкес шара қабылданады", – деді полиция өкілдері.

Өзекті жаңалықтарды өз уақытында оқу үшін Facebook парақшамызға жазылыңыз!