Баланы буллингтен қалай қорғауға болады?

Баланы буллингтен қалай қорғауға болады? ІІМ өкілдері ата-аналарға бірнеше кеңес берді, — деп хабарлайды Massaget.kz тілшісі.

Баладағы белгілер:

• Еш себепсіз мектепке немесе сабаққа барғысы келмесе;
• Жиі басы не іші ауырғанын айтса;
• Оқуға және үйірмелерге қызығушылығы болмаса;
• Үйге сынған немесе жоғалған заттармен келсе;
• Тұйық, мазасыз, үндемейтін болып кетсе;
• Мектеп, сыныптастары туралы әңгімеден қашқақтаса;
• Қорқып, күдіктеніп, мінезі күрт өзгерсе.

Полиция бұл белгілерге міндетті түрде назар аударуға шақырды.

Ата-аналарға кеңес

"Баланы қолдау маңызды. Тыңдаңыз, сеніңіз. Мәселе сізге ұсақ-түйек болып көрінсе де, бала үшін ол өте маңызды болуы мүмкін. Ашық сөйлесіңіз. "Мектепте өзіңді қалай сезінесің? Сені мазалайтын мәселе бар ма?" деп сұраңыз. Балаңызды қолдап, жетістіктерін айтып отырыңыз. "Жоқ" деп айтуға үйретіңіз. ...Агрессивті контентті шектеп, интернет ортасын бақылап отырыңыз. Үлгі болыңыз. Отбасында дөрекілікке жол бермеңіз", — деді ІІМ өкілдері.

Аптаның басты оқиғалары мен пайдалы видеоларды көру үшін YouTube арнамызға жазылыңыз