Қазақстанның 9 өңірінде дабыл жүйесі іске қосылады

6 наурызда Қазақстанның 9 өңірінде дабыл жүйесі іске қосылады. Осы орайда ТЖМ өкілдері халықты үрейге бой алдырмауға шақырды, деп хабарлайды ведомствоға сілтеме жасаған KAZ.NUR.KZ.

ТЖМ-ның мәліметінше, 6-7 наурызда еліміздің солтүстік, шығыс және орталық өңірлерінде органдарды су тасқыны кезеңі жағдайларында төтенше жағдайларды жоюға дайындау бойынша "Көктем-2025" республикалық командалық-штабтық оқу-жаттығудың 2-ші кезеңі өтеді.

Оқу үйлестіру және жетекшілік ету жөніндегі республикалық штаб Қостанайда орналасады.

Оқу-жаттығу шеңберінде екі күн бойы Астана қаласында, Ақмола, Шығыс Қазақстан, Қостанай, Қарағанды, Павлодар, Солтүстік Қазақстан, Абай және Ұлытау облыстарында профилактикалық іс-шаралар кешені өткізіледі.

"Сонымен қатар "Баршаның назарына!" дабылы бойынша аумақтық деңгейдегі құлақтандыру жүйесінің дайындығын тексеру мақсатында еліміздің 9 өңірінде 2025 жылғы 6 наурызда сағат 11.00-де барлық дыбыстық электр дабылдары қосылатын болады. Осыған орай тыныштық сақтап, үрейге бой алдырмауларыңызды сұраймыз", — делінген хабарламада.

Естеріңізге сала кетейік, осыдан бір айын бұрын "Көктем-2025" республикалық командалық-штабтық оқу-жаттығудың 1-ші кезеңі оңтүстік және бастыс өңірлерде өткен еді.