БҚО-да субсидия қаржысы мақсатсыз жұмсалған

0:00:00

Жаңалықтарды Telegram арнамыздан оқыңыз!

Батыс Қазақстан облысы Сырым ауданында субсидия қаржысы мақсатсыз жұмсалған. Аудандық прокуратура шаруашылықтардың 12 миллион теңге бюджет қаржысын теріс пайдаланғанын анықтады. Агроөнеркәсіп өкілдері субсидия алып, бірақ бір жыл болмай 1 154 бас малды есептен шығарып отырған. Мысалы, ауыл шаруашылық өндірістік кооперативі 400-дей асыл тұқымды ірі қараға 4 млн теңгеге жуық субсидия алған. Бірақ бір жылдың ішінде дерекқордың есебінен шығарған. Ал заңнамаға сәйкес мал басы жүйеде жыл бойы сақталуы керек. Салдарынан мемлекетке 11,9 млн теңге көлемінде материалдық шығын келтірілген.

Ардақ Мұратқызы