Жамбыл облысын таза ауызсумен қамтитын 12 жоба іске асып жатыр

Жамбыл өңірінде елді мекендерді таза ауызсумен қамтитын 12 жоба іске асып жатыр.

Ілкімді іске арнаулы мемлекеттік қордан 15 млрд теңгеден астам қаржы бөлінді. Бұл туралы Үкіметтің баспасөз қызметі хабарлады. Бүгінде төрт ауылдың тұрғындары таза ауызсумен қамтылған. Атап айтқанда, Жамбыл ауданындағы 3 ауылға су құбырын тарту жұмыстары аяқталды. Сондай-ақ 300-ден астам тұрғыны бар Қараой ауылында да су құбыры іске қосылды. Жобаның жалпы құны 933 млн теңгеден асады. Қазір Мойынқұм, Сарысу және Қордай аудандарындағы елді мекендерге су желілерін тарту жұмыстары жалғасып жатыр.