АҚШ-тың Азиядағы одақтастары металл салығын талқылайды

Австралия, Жапония және Оңтүстік Корея АҚШ-тың металлға салған баж салығын алғызып тастауға әрекет жасап жатыр.

Азия-Тынық мұхиты аймағында Американың басты одақтастары саналатын бұл елдер осы бағытта тиісті шаралар қабылдауға ниетті. Бұл туралы Washington Post басылымы хабарлады. 7 жыл бұрын Дональд Трамп бірінші Президенттік мерзімінде үш мемлекетті алымнан босатқан. Бұл елдердің металлургия өнеркәсібі үшін АҚШ маңызды табыс көзі саналады. Былтыр Оңтүстік Корея АҚШ-қа болат пен алюминийді ең ірі жеткізушілердің бестігіне енді. Жапония Америкаға 2,2 млрд, ал Австралия 500 млн долларға шикізат жөнелтті.