Қазақстан 2028-2029 жылы жоғары табысты елдердің қатарына қосылуы мүмкін

Қазақстан 2028-2029 жылы жоғары табысты елдердің қатарына енуі мүмкін. Еуразиялық даму банкінің сарапшылары осындай болжам жасады.

Қазынадағы кірістің еселенуіне бірнеше фактор ықпал етеді. Басты басымдықтың бірі – экономиканы әртараптандыру мен инвестициялық тартымдылықты арттыру. Межелі міндетке жету үшін инфрақұрылым мен әлеуметтік маңызды жобаларды дамытуға арналған мемлекеттік бастамалар жүзеге асырылып келеді. Мысалы, былтыр өңдеу өнеркәсібінде жалпы құны 1,3 триллион теңге болатын 180 инвестициялық жоба іске қосылды. Саладағы өсім 6%-ке жуықтады. Бұл соңғы 10 жылдағы ең жоғары көрсеткіш. Айта кетсек, қазір еліміз табысы ортадан, жоғары мемлекеттер санатына кіреді.