Биыл Абай Құнанбайұлының туғанына 180 жыл толады

Биыл Абай Құнанбайұлының туғанына 180 жыл толады.

Ұлттық құрылтайда Президент Абай институтын толыққанды мәдени-ағарту мекемелеріне айналдыру қажеттігін айтты. Мемлекет басшысы бұл жобаны осыдан 5 жыл бұрын ұсынған болатын. Бүгінде бұл бастама цифрлық платформа форматында іске асырылды. Диаспоралар мен басқа да шетелдіктерге қазақ тілін үйрету құралы ретінде жұмыс істеп тұр. Енді бұл құрылым Конфуций, Гете, Сервантес институттары сияқты жұмыс істеуі керек, деп тапсырды. Абай институты негізгі серіктес елдердің бәрінде төл мәдениетімізді насихаттайтын орталыққа айналмақ. Қытай, Түркия, Моңғолия және басқа да мемлекеттерде осындай орталықтар ашылатын болды. Сыртқы істер министрлігі мен «Отандастар» қорына Мәдениет және ақпарат министрлігімен бірлесіп, шетелде осындай орталықтар ашу жұмыстарын жалғастыруды тапсырды.

ЦИТАТА:

Қасым-Жомарт Тоқаев Қазақстан Республикасының Президенті:

Абай институты негізгі серіктес елдердің бәрінде төл мәдениетімізді насихаттайтын орталық болуға тиіс. Бірқатар елде, мысалы, Қытай, Түркия, Моңғолия және басқа да мемлекеттерде осындай орталықтар ашылатын болды. Сыртқы істер министрлігі мен «Отандастар» қорына Мәдениет және ақпарат министрлігімен бірлесіп, шетелде осындай орталықтар ашу мәселесі бойынша тиісті жұмысты жалғастыруды тапсырамын.