Еуроодақта адамның өмір сүру ұзақтығы артты

2023 жылы Еуроодақта орташа өмір сүру ұзақтығы 81 жастан асып, рекордтық көрсеткішке жеткен.

Үздік үштікте Испания, Италия мен Финляндияның Аланд аралдары бар. Ең төмен көрсеткіш Болгарияда. Мұнда орташа өмір сүру ұзақтығы 74 жас. Мамандар Еуропаның батысы мен шығысы арасында айтарлықтай айырмашылық барын айтады. Бұл өмір сүру сапасы мен медициналық көмектің қолжетімділігіне байланысты. Сондай-ақ тамақтану ерекшелігінің де кәдімгідей әсері бар дейді зерттеушілер. Өйткені ұзақ өмір сүретін елдердің тұрғындары әдетте Жерорта теңізіне жақын тұрып, теңіз өнімдері мен зәйтүн майын жиі тұтынады.