Кейінгі алты жылда ғылымдағы жастардың үлесі 6 есе өсті

Кейінгі алты жылда ғылымдағы жастардың үлесі алты есе өсіп, 46%-ті құрады, деп хабарлайды 24kz.

Докторантураға бөлінетін білім беру гранттарының да саны артқан. Енді ғылыми жетістіктерді нақты экономика секторына енгізу және оларды коммерцияландыру маңызды. Бүгінге дейін 208 жоба қолданысқа сәтті енгізілді, 180-нен астам өндіріс сатылым кезеңіне шықты. Коммерцияландыру жобаларының ел экономикасындағы жалпы үлесі 118,7 миллиард теңгені құрады. 2 мыңнан астам жаңа жұмыс орны ашылды. 25 жоба экспортқа шықты, 6 жобаның сатылым көлемі 1 миллиард теңгеден астам сомаға жетті.