Түркияның қор нарығы құлдырады

Ыстанбұл мэрінің тұтқындалуынан кейін Түркияның қор нарығы құлдырады. Содан ұлттық валюта лираның долларға қатысты бағамы 10%-ға төмендеген.

Бұл — бұрын-соңды болмаған жағдай. Доллардың құны алғаш рет 41 лирадан асып кетті. Ыстанбұлдық «БИСТ 100» биржасының индексі 7%-ға құлдырап, сауда-саттықты уақытша тоқтатуға тура келді. Қор нарығындағы бұл жағдайға елдегі саяси ахуал әсер кеткен. Бүгін елдегі танымал оппозициялық саясаткердің бірі әрі Ыстанбұл мэрі Экрем Имамоглу қамауға алынған еді. Сарапшылар оның келесі президент сайлауында Режеп Тайип Ердоғанның бас қарсыласы болатынын болжаған. Жемқорлық ісі бойынша саясаткермен қоса тағы 100 адам қамауға алынды.