Грек-рим күресінен 3 палуанымыз алғашқы белдесуде жеңілді

Бүгін Иордания астанасы Амманда күрес түрлерінен Азия чемпионатының екінші жарыс күні басталды, деп хабарлайды Egemen.kz.

ТСМ Спортты дамыту дирекциясының мәліметінше, грек-рим күресінен бүгін бозкілемге шыққан 3 балуанымыз қарсыластарына есе жіберген.

60 келіде Бақытжан Қабдыл жапон спортшысы Каито Инабадан айласын асыра алмады. 2022 жылғы Азия чемпионы отандасымыз Мейіржан Шермахамбет Оңтүстік Корея балуаны Мин Сун Квонға 5: 11 есебімен жол берді.

72 келіде ел намысын қорғаған Әділхан Сатаев та алғашқы айналымнан аса алмады. Ол қырғыз балуанынан 7: 11 есебімен жеңілді.

Енді бұл спортшылар қарсыласының жарыс жолындағы нәтижесіне қарайды. Егер олар финалға жолдама алса, Ұлттық құрама өкілдері жұбаныш кезеңінде белдесуге мүмкіндік алады.