Сенатта экономикаға жеке капиталды тарту жолдары талқыланды

Шағын және ірі бизнес үшін жаңа несиеге кепілдік беру қорларын құру көзделіп отыр. Бүгін Сенатта өткен Үкімет сағатында осы мәселе қаралды.

Бұл ретте Премьер-министрдің орынбасары – Ұлттық экономика министрі Серік Жұманғарин «Бәйтерек» ұлттық басқарушы холдингі капиталын жыл сайын 1 трлн теңгеге ұлғайту жоспарын хабардар етті. «Ол 8 трлн теңгеге дейінгі сомаға несие мен кепілдік беруге мүмкіндік туғызады», – деді. Сонымен қатар жеке қаржы институттарына экономиканың нақты секторына белсенді түрде инвестиция салатын жағдай жасау жайы қаралды. «Ол үшін құқықтық реформалар мен салықтық ынталандыру және қаржы құралдарын дамытуды қамтитын кешенді тәсіл қажет», – деді сенатор Ольга Перепечина.