Астанада тұрғын үйдің қасбеті өртенді

Түнде Астанада тұрғын үйдің қасбеті өртенді, деп хабарлайды 24kz.

Нұра ауданындағы көпқабатты ғимараттың сыртқы қабаты жанып, қызыл жалын лезде 250 шаршы метр аумаққа жайылған. Төтенше жағдайлар мамандары дереу тұрғындарды эвакуациялады. 100-ге жуық адам өз бетінше далаға шықты. Жеке құрамның 45 маманы мен 13 техника тартылып, өрт сөндірілді. Төтенше жағдайлар министрлігінің хабарлауынша, «Семь бочек» тұрғын үй кешенінің 14-ші қабатындағы балкон өртенген. Қызыл жалын үйдің 6 мен 16 қабаты аралығындағы сыртқы қаптамаға жайылған. Зардап шеккендер жоқ. Өрттің себебі анықталып жатыр.