Америка сенаты Ресейге қарсы санкция жобасы бойынша жұмысқа осы айда кірісуі мүмкін

АҚШ Сенаты Ресейге қарсы қатаң санкция жобасы бойынша жұмысқа кірісуі мүмкін. Мұны осы палатадағы республикалық көпшіліктің лидері Джон Тьюн ескертті. Оның сөзінше, Дональд Трамп әкімшілігі Украинада үшжылдық соғысты тоқтату жайлы келісім жасалатынына әлі де үмітті . Бірақ үміт ақталмаса, америкалық сенаторлар Мәскеуге қысымды күшейтуге әзір. Бұл жоба Трамп әкімшілігімен талқыланып жатыр. Егер жаңа құжат заңға айналатын болса, Ресейдің мұнайын, газын, уранын және өзге де экспорттық өнімдерін сатып алған елдерге қарсы тариф 500 пайызға дейін өседі. Айта кетсек, Ресейдің халықаралық энергетикалық бизнесінің 70 пайызы Қытаймен, Үндістанмен жасалады.

Арыстан Рысбек