Иран Атом энергиясы жөніндегі агенттікпен ынтымақтастықты тоқтатты

Иран Атом энергиясы жөніндегі халықаралық агенттікпен ынтымақтастықты ресми түрде тоқтатты.

Бұл туралы бақылаушы органның ресми өкілі Хади Тахан Назиф хабарлады. Кеше Иран Парламенті қабылдаған заң жобасын, Конституцияны қорғау кеңесі бекітті. Құжатқа сәйкес Тегеран енді өз ядролық объектілерінде бақылау камераларын орнатпауға, инспекция жүргізуге рұқсат бермеуге және халықаралық ұйымға есеп бермеуге құқылы. Тексеру жұмыстары елдің Ұлттық қауіпсіздік жөніндегі жоғары кеңесі рұқсат бергеннен кейін ғана іске асырылуы мүмкін.