Ресейде тұрғындардың төрттен бірі семіздікке шалдыққан

Ресейліктердің төрттен бірі семіздікке шалдыққан. Мамандар 40 миллионға жуық тұрғында артық салмақ барын айтып, дабыл қағуда. Денсаулық сақтау министрлігінің мәліметінше, ресейліктер қантты белгіленген мөлшерден 5 есе, ал тұзды 4 есе көп тұтынады. Артық салмақтың кесірінен қатерлі ісік пен қант диабетімен ауыратындар да көбейген. Оған қоса соңғы 12 жылда алкогольді ішімдік ішетін тұрғын саны күрт өсті. Сондықтан жаңа заң әзірлеп, демалыс күндері ішімдік сатуға шектеу қою ұсынылды.

Анна Баленко, психолог:

Бұл мәселелер жүйелі түрде кешенді шараларды қабылдауды қажет етеді. Адамдардың осылай ішімдікке салынуына елдегі экономикалық тұрақсыздық, әлеуметтік жағдайдың нашарлауы да себеп. Сондықтан дүкендерде, мейрамханаларда белгілі шараларды енгізуіміз қажет.

Индира Бегайдар