Бүйрегін сатуға келген шетелдік әйел ұсталды  

Оқиға Павлодарда тіркелді .

Көрші ел азаматы ағзасын өткізу шарты мен бағасын талқылап, келіседі. Осы кезде ұйымдасқан қылмысқа қарсы күрес басқармасының қызметкерлері оны қолға түсірген. Ал Қазақстанда заңсыз трансплантацияға тыйым салынған. Бұл үшін қылмыстық жауапкершілік бар. Полиция осындай жағдайға куә болғандарды "102" номеріне немесе "police 102" мобильді қосымшасына хабарлауға шақырады. Анонимділік сақталады.

Болат Нұрсейітов, Павлодар облысы ПД басшысының бірінші орынбасары:

- ҰҚҚКБ қызметкерлері күдіктіні келісілген ақшаның бір бөлігін алу кезінде ұстады. Аталған факт бойынша қылмыстық іс қозғалды. Күдікті қамауға алынды. Қажетті тергеу әрекеттері жүргізіліп жатыр.