Ғалымдар: табиғи апаттар жиіледі

Кейінгі бір аптада Пәкістанда толассыз жаңбыр жауды. Соның салдарынан бірқатар өңірдегі өзендер арнасынан асып, арты алапат тасқынға ұласты.

Табиғи апат салдарынан жүздеген адам опат болды. Бұл жыл сайын жауатын муссондық жаңбыр болғанымен, ғалымдар оны жаһандық жылынумен байланыстырады. Олардың айтуына қарағанда, кейінгі уақытта оның қарқыны күшейіп барады. Яғни температура жоғарылаған сайын, табиғи апат жиілей түседі, дейді мамандар. World Weather Attribution зерттеулеріне сүйенсек, климат өзгерісінің әсерінен, биыл жазда жауған жауын-шашын мөлшері өткен жылдармен салыстарған 15 пайызға артқан. 26 маусымнан бері табиғи апаттан 300 адам қаза тауып, мыңдаған тұрғын үйді су шайып кетті.