Қазақтың балы енді Еуропа елдеріне экспортталады

Енді қазақтың балы Еуропа елдеріне экспортталады.

Жуырда Венгрияның екі ірі компаниясы біздің балға қызығушылық танытып, өндірушілермен ынтымақтастық орнатты. ҚазТрейд сауда саясатын дамыту орталығының мәліметіне сүйенсек, келіссөздер жақсы нәтиже берген. Тараптар алдымен 20 тоннадан астам балды жеткізуге уағдаласты. Жалпы қазақстандық балға сұраныс артпаса, кеміген емес. Отандық тәтті өнім қазір Өзбекстан, Қытай, Канада, АҚШ және Біріккен Араб Әмірліктері сынды бірқатар мемлекетке эспортталып отыр. Былтыр бал саудасы қызып 1,5 млн долларға жетіп, өсім көрсеткіші 57 пайызға артты.