Президент атынан Конституция күніне арналған мерейтойлық медальдар табысталды

Елордада Конституцияның 30 жылдығына орай елдің құқықтық жүйесінің дамуына елеулі үлес қосқан азаматтарға Президент атынан мерейтойлық медальдар табысталды.

Марапат алғандардың қатарында жетекші құқықтанушы ғалымдар, конституционалистер, жоғары оқу орындарының оқытушылары, мемлекеттік органдар, кәсіби заң қоғамдастығы мен халықаралық ұйымдардың өкілдері де бар. Мемлекет басшысының атынан мерейтойлық медальдарды Конституциялық Сот Төрағасы Эльвира Азимова халықаралық ғылыми-практикалық конференция аясында табыс етті.