Қытай Қазақстан экономикасына $27 млрд инвестиция салды

Қытай Қазақстан экономикасына 27 млрд доллар инвестиция құйды. Мемлекет басшысы қазақ-қытай іскерлік кеңесінің отырысында осылай деп, екі елдің инвестициялық ықпалдастығы ұдайы кеңейіп келе жатқанына да тілге тиек етті.

«Біздің елімізде қытай капиталы бар 6 мыңнан астам кәсіпорын жұмыс істеп тұр. Олардың арасында Sinopec, Huawei секілді мықты корпорациялар бар. Бұдан бөлек, ірі және орта бизнес өкілдері жұмыс істейді. Біз барлығына ерекше көңіл аударып жатырмыз. Қытай Халық Республикасының Төрағасы әрі қадірлі досым Си Цзиньпин мырзамен бірге көп салалы қазақ-қытай ынтымақтастығын дамыту үдерісін үнемі бақылап отырамыз. Осы жолғы келіссөздер нәтижесін өте жоғары бағалаймын. Елдеріміз арасындағы қатынастардың болашағы жарқын боларына сенемін», - деді Қасым-Жомарт Тоқаев.