Ақтөбе облысында жол апатынан 12 адам қаза тапты

23 қазан күні Самара – Шымкент автожолында, Белқопа елді мекенінің маңында DAF жүк көлігі мен жолаушылар мінген «ГАЗель» көлігі соқтығысқан, салдарынан 12 адам көз жұмды. Алдын ала мәлімет бойынша, қайғылы оқиғаға жүк көлігінің қарсы бағытқа шығуы себеп болған, деп хабарлайды Egemen.kz.

Апат салдарынан екі көліктің жүргізушісі мен «ГАЗельдегі» 10 жолаушы оқиға орнында көз жұмған. Тағы бес адам түрлі жарақатпен ауруханаға жеткізілген. Облыс әкімдігінің мәліметінше, зардап шеккендердің үшеуінің жағдайы ауыр, екеуінікі – орташа, ал бір адам ауруханаға жатудан бас тартқан.

Қайғылы жағдайдың нақты себептері мен мән-жайын анықтау үшін тергеу басталды.