“16 рет пышақ сұққан“: Алматы облысында ер адам туған қызын өлтірді деген күдікке ілінді

Әлеуметтік желі мен БАҚ-та Алматы облысында ер адам туған қызын пышақ сұғып өлтіргені туралы ақпарат тарады, — деп хабарлайды Massaget.kz тілшісі.

Мән-жайы

Желіде тараған ақпаратқа сүйенсек, бұл оқиға 10 қарашада болған. Ер адам мас күйде қызға 16 пышақ жарақатын салғаны айтылады.

Полиция пікірі

Алматы облысының Полиция департаменті Massaget.kz сауалына жауап берді.

"Кісі өлтірді деген күдікпен Тұздыбастау ауылының тұрғыны ұсталды. Полицияға 15 жастағы студенттің сүйегі табылғаны туралы хабарлама отбасының туысынан келді. Оқиға орнына жеткен полиция қызметкерлері мас күйдегі күдіктіні ұстады. Сондай-ақ, үйден қылмыс құралы тәркіленді", — деп жазылған жауапта.

Кісі өлтіру дерегі бойынша қылмыстық іс қозғалған. Күдікті қамауға алынды.

"Қазір болған оқиғаның барлық мән-жайын анықтауға бағытталған тергеу жүргізіліп жатыр. Тергеу барысы Алматы облысы Полиция департаменті басшылығының ерекше бақылауында", — деп жазылған жауапта.

Аптаның басты оқиғалары мен пайдалы видеоларды көру үшін YouTube арнамызға жазылыңыз